منگلورو:8/اپریل(ایس اؤنیوز)منگلورو اور یشونت پور کے درمیان ہفتہ میں تین دن یعنی ٹرائی ویکلی ایکسپرس ٹرین 9اپریل سے شرو ع ہورہی ہے، مڈگاؤں سے مرکزی ریلوے وزیر سریش پربھو وڈیو کانفرنس کے ذریعے ریل کو ہری جھنڈی دکھائیں گے۔

ٹرین نمبر 16575/16576بنگلورو کے یشونت پور سے اتوار، منگل اور جمعرات کو صبح 50-7کو نکل کر شام 30-5بجے منگلورو پہنچے گی، اسی طرح منگلورو سے پیر، بدھ اور جمعہ کی صبح 30-11بجے نکل کر رات 30-8بجے یشونت پور پہنچنے کی اطلاعات موصول ہوئی ہیں۔ متعلقہ ایکسپرس ٹرین چک باناور، نلمنگل ، کنیگل، یڈیور، بی جی نگر، چن رائے پٹن، ہاسن، سکلیشپور، سبرامنیا روڈ، کبک پتور اور بنٹوال اسٹیشن پر اسٹاپ دینے کی اطلاع پریس ریلیز میں دی گئی ہے۔